സമഗ്ര ഗ്രന്ഥശേഖരം: ഹോമിയോപ്പതിയുടെ എല്ലാ ശാഖകളിലെയും അനുബന്ധ മെഡിക്കൽ ശാസ്ത്രങ്ങളിലെയും ജനറൽ മെഡിസിനിലെയും പ്രയോജനപ്രദമായ ഗ്രന്ഥ ശേഖരം ലൈബ്രറിയിലുണ്ട്. ഡോ. സാമുവൽ ഹാനിമാൻ, ഡോ. ജെയിംസ് ടൈലർ കെന്റ്, ഡോ. ടി. എഫ്. അലൻ, ഡോ. വിതൽകാസ്, ഡോ. വില്യം ബോറിക് തുടങ്ങിയ പ്രമുഖ ഹോമിയോപ്പതിക് ആചാര്യന്മാരുടെ ക്ലാസിക്കൽ കൃതികളും ഇതിൽ ഉൾപ്പെടുന്നു.

ഡിജിറ്റൽ സ്രോതസ്സുകൾ: ഡിജിറ്റൽ ഡാറ്റാബേസുകൾ, ഇ-ജേണലുകൾ, ഓൺലൈൻ റഫറൻസ് മെറ്റീരിയലുകൾ എന്നിവ ഉപയോഗിക്കാനുള്ള സൗകര്യം വിദ്യാർത്ഥികൾക്കും അധ്യാപകർക്കും ലഭ്യമാക്കിയിട്ടുണ്ട്. ഇതിലൂടെ ഹോമിയോപ്പതിയിലെയും ആധുനിക വൈദ്യശാസ്ത്രത്തിലെയും ഏറ്റവും പുതിയ ഗവേഷണ വിവരങ്ങൾ പ്രയോജനപ്പെടുത്താൻ സാധിക്കുന്നു.

റഫറൻസ് & ലെൻഡിംഗ് വിഭാഗങ്ങൾ: ലൈബ്രറിയിൽ ഇരുന്ന് പഠിക്കുന്നതിനായി പ്രത്യേകമായി ക്രമീകരിച്ച റഫറൻസ് വിഭാഗവും, വിദ്യാർത്ഥികൾക്കും അധ്യാപകർക്കും പുസ്തകങ്ങൾ വിതരണം ചെയ്യുന്നതിനുള്ള ലെൻഡിംഗ് (Lending) വിഭാഗവും പ്രവർത്തിക്കുന്നുണ്ട്.

ആനുകാലിക പ്രസിദ്ധീകരണങ്ങളും ജേണലുകളും: ഹോമിയോപ്പതി, ഫാർമക്കോളജി, പാത്തോളജി, കമ്മ്യൂണിറ്റി മെഡിസിൻ തുടങ്ങിയ വിഷയങ്ങളിലെ പ്രമുഖ ദേശീയ-അന്തർദേശീയ ജേണലുകളും ആനുകാലിക പ്രസിദ്ധീകരണങ്ങളും ഇവിടെ ലഭ്യമാണ്.

ചോദ്യപേപ്പർ & ഡിസർട്ടേഷൻ ശേഖരം: കേരള ആരോഗ്യ സർവകലാശാലയുടെ (KUHS) മുൻവർഷ ചോദ്യപേപ്പറുകൾ, ബിരുദാനന്തര ബിരുദ വിദ്യാർത്ഥികളുടെ ഡിസർട്ടേഷനുകൾ, വിവിധ ഗവേഷണ പ്രോജക്ടുകൾ എന്നിവ വിദ്യാർത്ഥികളുടെ അക്കാദമിക ആവശ്യങ്ങൾക്കായി ലൈബ്രറിയിൽ സൂക്ഷിച്ചിരിക്കുന്നു.

വായനാ സൗകര്യം: വിശാലമായ വായനാമുറികളും (Reading Halls) സൗകര്യപ്രദമായ ഇരിപ്പിടങ്ങളും ശാന്തമായ പഠനാന്തരീക്ഷവും വിദ്യാർത്ഥികൾക്ക് ഏകാഗ്രതയോടെ പഠിക്കാനും ഗവേഷണം നടത്താനും സഹായകമാണ്.