ഞങ്ങളുടെ ദൗത്യം

വിദ്യാർത്ഥികളിൽ ശാസ്ത്രീയ ചിന്തയും ക്ലിനിക്കൽ പ്രാവീണ്യവും വളർത്തിയെടുത്ത്, രോഗീകേന്ദ്രീകൃതവും രോഗലക്ഷണങ്ങളെ അടിസ്ഥാനമാക്കിയുള്ളതുമായ ഹോമിയോപ്പതിക് ചികിത്സയ്ക്കായി കഴിവുറ്റ ചികിത്സകരെ വാർത്തെടുക്കുക.

ഞങ്ങളുടെ ദർശനം

നൂതന സാങ്കേതികവിദ്യയും ഗവേഷണവും ക്ലിനിക്കൽ മികവും സമന്വയിപ്പിച്ച്, റെപ്പർട്ടറിയിലും കേസ് ടേക്കിംഗിലും ദേശീയതലത്തിൽ മാതൃകയാകുന്ന ഒരു അക്കാദമിക് കേന്ദ്രമായി വളരുക.

കൃത്യമായ കേസ് വിശകലനത്തിനും മരുന്ന് തിരഞ്ഞെടുപ്പിനുമായി ക്ലാസിക്കൽ, മോഡേൺ റെപ്പർട്ടറികളിലും (കെന്റ്, ബോഗർ, ഡിജിറ്റൽ ടൂളുകൾ) വിദ്യാർത്ഥികൾക്ക് പ്രാവീണ്യം നൽകുക

ആത്മവിശ്വാസമുള്ളതും രോഗീകേന്ദ്രീകൃതവുമായ ചികിത്സ ഉറപ്പാക്കുന്നതിനായി ക്ലാസ് റൂം പഠനത്തെ ആശുപത്രി ഒ.പി.ഡി, ഐ.പി.ഡി ലെ പ്രായോഗിക ക്ലിനിക്കൽ അനുഭവങ്ങളുമായി സമന്വയിപ്പിക്കുക.

റെപ്പർട്ടറി സമീപനങ്ങളുടെയും സോഫ്റ്റ്‌വെയർ ആപ്ലിക്കേഷനുകളുടെയും താരതമ്യ പഠനങ്ങൾ ഉൾപ്പെടെ, റെപ്പർട്ടറി രംഗത്തെ ഗവേഷണങ്ങളെ പ്രോത്സാഹിപ്പിക്കുക.

സമഗ്രമായ രോഗീ പരിചരണത്തിനായി റൂബ്രിക് തിരഞ്ഞെടുപ്പ്, റെപ്പർട്ടറി വിശകലനം, മെറ്റീരിയ മെഡിക്കയുമായുള്ള ബന്ധപ്പെടുത്തൽ എന്നിവയിൽ വിമർശനാത്മക ചിന്ത പ്രോത്സാഹിപ്പിക്കുക.

ദേശീയ, അന്തർദേശീയ നിലവാരത്തിന് അനുസൃതമായി ഹോമിയോപ്പതിക് പ്രാക്ടീസ്, അക്കാദമിക്സ്, ഗവേഷണം എന്നിവയിൽ മികവ് പുലർത്താനുള്ള കഴിവുകൾ നേടിയെടുക്കുക.

ക്ലിനിക്കൽ കേസ് ചർച്ചകളും റപ്പർട്ടറൈസേഷൻ പരിശീലനവും.

രോഗലക്ഷണങ്ങളെ റപ്പർട്ടറി ഭാഷയിലേക്ക് പരിവർത്തനം ചെയ്യുന്നതിനും അനുയോജ്യമായ റൂബ്രിക്കുകൾ തിരഞ്ഞെടുക്കുന്നതിനുമുള്ള പരിശീലനം.

പി.ജി. സെമിനാറുകൾ, ജേർണൽ റിവ്യൂകൾ, അക്കാദമിക് ചർച്ചകൾ. 

ഗവേഷണരീതിശാസ്ത്ര പരിശീലനവും വിദ്യാർത്ഥി അവതരണങ്ങളും

ക്വിസ്, ഡ്രഗ് പിക്ചർ ഐഡന്റിഫിക്കേഷൻ, ഡ്രഗ് ഡ്രാമ തുടങ്ങിയ അക്കാദമിക് മത്സരങ്ങൾ.

ലോക സ്ട്രോക്ക് ദിനം, ഡോക്ടേഴ്സ് ഡേ, ലോക ഹോമിയോപ്പതി ദിനം, ലോക ശ്രവണ ദിനം തുടങ്ങിയ ദിനാചരണങ്ങളോടനുബന്ധിച്ച് ബോധവൽക്കരണ ക്ലാസുകളും പ്രത്യേക പരിപാടികളും.

ഹാനിമൻ അനുസ്മരണ ദിനാചരണങ്ങളുടെ ഭാഗമായി സെമിനാറുകൾ, പേപ്പർ പ്രസന്റേഷനുകൾ, ശാസ്ത്രീയ പരിപാടികൾ.

കേസ് അധിഷ്ഠിത പഠനവും അക്കാദമിക് മെന്ററിംഗും വഴി വിദ്യാർത്ഥികളുടെ ക്ലിനിക്കൽ, വിശകലന ശേഷി വികസിപ്പിക്കൽ.

കംപ്യൂട്ടർ ലാബും സോഫ്റ്റ്‌വെയർ സൗകര്യങ്ങളും :

പ്രായോഗിക പരിശീലനത്തിനായി RADAR, Hompath, ISIS തുടങ്ങിയ മുൻനിര റെപ്പർട്ടറി സോഫ്റ്റ്‌വെയറുകളുടെ ലൈസൻസ്ഡ് വേർഷനുകൾ. കേസ് വിശകലനങ്ങൾക്കായി ഏറ്റവും പുതിയ റെപ്പർട്ടറി ഡാറ്റാബേസുകൾ അടങ്ങിയ അതിവേഗ കംപ്യൂട്ടറുകൾ.

റഫറൻസ് ലൈബ്രറി :

ക്ലാസിക്കൽ, മോഡേൺ റെപ്പർട്ടറികളുടെ (കെൻ്റ്, ബോഗർ, ബെനിംഗ്ഹൗസൻ, ഫതക് തുടങ്ങിയവ) സമഗ്രമായ ശേഖരം. അപൂർവ്വ പുസ്തകങ്ങൾ, വിവിധ വർഷങ്ങളിലെ തീസിസുകൾ, ജേർണലുകൾ എന്നിവയുടെ ലഭ്യത.

റെപ്പർട്ടറി മ്യൂസിയം – മുൻഗാമികൾക്ക് ആദരം :

ഞങ്ങളുടെ ഡിപ്പാർട്ട്‌മൻ്റിൻ്റെ സവിശേഷമായ ഒരു ആകർഷണമാണ് റെപ്പർട്ടറി മ്യൂസിയം. ഹോമിയോപ്പതി മേഖലയിലെ മഹത്തായ റെപ്പർട്ടറി പയനിയർമാരുടെ സംഭാവനകളെയും അവരുടെ സ്മരണകളെയും നിലനിർത്തുന്നതിനും, റെപ്പർട്ടറിയിലെ പുരോഗതികൾ വ്യക്തമാക്കുന്ന ഗവേഷണ പോസ്റ്ററുകൾക്കുമായി ഇത് സമർപ്പിച്ചിരിക്കുന്നു.

സെമിനാർ ഹാളും സ്മാർട്ട് ക്ലാസ് മുറികളും :

റെപ്പർട്ടറി കേസ് ചർച്ചകൾക്കായി ഇൻ്ററാക്ടീവ് സ്മാർട്ട് ബോർഡുകൾ. റെപ്പർട്ടറൈസേഷൻ രീതികളുടെ ലൈവ് ഡെമോൺസ്ട്രേഷനായി പ്രൊജക്ടറുകൾ. ദേശീയ സെമിനാറുകൾ, വർക്ക്‌ഷോപ്പുകൾ, അഥിതി പ്രഭാഷണങ്ങൾ എന്നിവ സംഘടിപ്പിക്കാനുതകുന്ന കോൺഫറൻസ് സൗകര്യങ്ങൾ.

ക്ലിനിക്കൽ പരിശീലന സൗകര്യങ്ങൾ :

റെപ്പർട്ടറി ഒ.പി.ഡി വിംഗും ഡെർമറ്റോളജി ഒ.പി.ഡിയും (റെപ്പർട്ടറി യൂണിറ്റിന് കീഴിലുള്ള സ്പെഷ്യൽ ഒ.പി.ഡി) – യു.ജി, പി.ജി വിദ്യാർത്ഥികൾക്കായി റെപ്പർട്ടറി അധിഷ്ഠിത കേസ്-ടേക്കിംഗ് യൂണിറ്റുകൾ. ഒ.പി.ഡി ഇൻ-ചാർജിൻ്റെ മേൽനോട്ടത്തിൽ വിദ്യാർത്ഥികൾ നേരിട്ട് കേസ്-ടേക്കിംഗും റെപ്പർട്ടറൈസേഷനും നടത്തുന്നു.

വിദ്യാർത്ഥികളുടെ പഠന ഇടങ്ങൾ :

വിദ്യാർത്ഥികളുടെ നേതൃത്വത്തിലുള്ള റെപ്പർട്ടറി പഠന ഗ്രൂപ്പുകൾക്കായുള്ള ചർച്ചാ കേന്ദ്രങ്ങൾ. സ്വയം പഠനത്തിനും റെപ്പർട്ടറി പരിശീലനത്തിനുമുള്ള ശാന്തമായ അന്തരീക്ഷം.

ഗവേഷണവും പി.ജി തീസിസ് പിന്തുണയും :

ഗവേഷണ പ്രോജക്റ്റുകൾക്കായി റെപ്പർട്ടറി താരതമ്യ സോഫ്റ്റ്‌വെയറുകൾ ഉപയോഗിക്കാനുള്ള സൗകര്യം. ഡാറ്റാ വിശകലനം, സ്റ്റാറ്റിസ്റ്റിക്കൽ ടൂളുകൾ, തീസിസ് രചന എന്നിവയ്ക്കുള്ള മികച്ച പിന്തുണ.